【Emily】拖手去圍方 葉太讚容海恩囡囡識?人

【明報專訊】大圍商場「圍方」上月開幕後吸引唔少市民到場，行會召集人、新民黨主席葉劉淑儀前日同幾名黨友一齊去湊熱鬧，喺港鐵邀請同帶領下參觀新商場。早前畀警方國安處帶走助查嘅新民黨立法會議員容海恩（Eunice），當日亦有帶埋大女袁昌蔚一齊參觀。葉太喺facebook貼出多張參觀時嘅合照，見到佢拖實袁昌蔚一齊行，話「牽着她的小手逛商場也倍感溫馨」。

葉太提到，佢哋一行人當日朝早10點幾到，部分食肆門外已有人輪候，頗為熱鬧，其間參觀咗商場同埋露天花園。葉太介紹商場有唔少藝術品，包括露天花園中庭有兩隻由香港人創作嘅巨型啤啤熊，商場4樓就有由北京藝術家創作、用鐵路配件重新組合而成嘅「港鐵車頭」。

睇巨熊「港鐵車頭」 識企位擺甫士

參觀期間，葉太除咗同黨友及港鐵職員大合照，亦都有同Eunice母女個別合照。葉太大讚袁昌蔚「乖巧伶俐」，「影相時經常擺出多款生鬼『甫士』」，大合照時更會主動走到「C位」，?得大家十分歡喜。