【Emily】A4聯盟考察灣區 楊永杰倡准醫療券買內地醫保

【明報專訊】唔少立法會議員會趁暑假外訪，先後有人去福建、合肥、青島等地，今次就到「A4聯盟」議員張欣宇、梁文廣、楊永杰、林素蔚上星期去深圳同中山考察。Emily睇見行程包羅萬有，如深圳國際仲裁院、科大嘅產學研大樓、當地嘅頤養院、中西醫結合醫院等。

今次佢哋同埋一批香港工商法律專業人士出訪，首先去深圳考察國際仲裁院及科大產學研大樓，考察兩地法律同創科產業發展；之後去到中山，了解當地喺安老、醫療、健康科技等方面嘅發展。

楊永杰提到，?家愈嚟愈多港人喺大灣區生活、工作同安老，話港人喺中山可以買醫保，以及由當地政府推出嘅「博愛康」商業健康保險，建議政府未來需要推動「醫療券」，可以喺大灣區購買醫保。