【Emily】科大試借餐盒機智能花灑 今秋擴至八大

【明報專訊】近年唔少地方都推行減碳措施，科大喺今年2月同6月分別喺學校試行智能「慳水」花灑頭同埋人工智能（AI）可重用餐盒借用系統，噚日宣布試行成功，嚟緊秋季會喺香港可持續校園聯盟旗下8間資助大學全面推行。其中AI餐盒借用系統係亞太區高等院校首推，每部機提供120個可重用餐盒，24小時運作，用家用八達通畀20蚊按金就可以借用餐盒，按金會喺還餐盒時全數退還，用過嘅餐盒會由專業洗碗公司清洗。

至於智能慳水花灑頭就內置水力驅動LED燈，按用水量變色，每分鐘出水量低至6.6公升，比「用水效益標籤計劃」最高評級嘅傳統花灑頭更勝一籌，用水慳咗26%。?家科大喺兩座學生宿舍裝咗85個智能花灑頭，超過1000名宿生使用，計劃進一步喺8間成員院校共17座學生宿舍安裝895個，到時估計有近6000名宿生可以使用。