【Emily】民建聯：皇崗沙頭角將推兩地一檢

【明報專訊】民建聯李慧琼、陳勇、陳克勤、劉國勳、顏汶羽等人前日去咗澳門青茂及橫琴口岸體驗「合作查驗、一次放行」嘅通關模式，噚日佢哋同保安局長鄧炳強會面反映考察成果。佢哋引述鄧炳強話會喺重建後嘅皇崗口岸同埋沙頭角口岸落實有關嘅通關模式，仲話會考慮喺其餘口岸逐步引入新模式試行。

對當局接納民建聯嘅建議同埋有具體落實行動，劉國勳話好鼓舞，相信有利北部都會區發展。佢又建議，日後沙頭角、文錦渡同落馬洲口岸都可以逐步改成「人車直達」。

現時香園圍口岸平日已有約4萬人次過關，假日就超過5萬，多過原本設計嘅3萬。民建聯話，保安局同意延長香園圍口岸服務時間至少一個鐘，方便跨境居民往返；同時認同落馬洲支線口岸可考慮同羅湖口岸睇齊，延長開放至午夜12點，特別長假期日子會研究再延長。