【Emily】新聞處雅加達設「沉浸式」展覽

【明報專訊】近排流行「沉浸式」體驗，好多展覽都加入呢個元素，政府新聞處近日喺印尼雅加達一個大型商場都推出「香港─沉浸式之旅」巡迴展覽，以「香港─實踐理想，開創未來」為主題。展覽以多重互動投影展示香港嘅城市景象同插畫，例如中環同維港等，並糅合創科元素，部分影像有3D效果，吸引唔少當地人去參觀，仲係咁打卡。有參觀者話好少喺雅加達見到關於香港嘅宣傳，今次甚至係第一次去睇關於香港嘅展覽，認為係好好機會畀印尼人認識香港。