【Emily】工展會購物節 買嘢抽獎有歐美機票

【明報專訊】「第3屆工展會購物節」8月4日至7日喺亞洲國際博覽館舉辦，入場費10元。主辦嘅廠商會話，今年新增「為食．玩天地」主題展區，設有20個美食攤位，售賣本地同世界各地嘅特色美食，仲有多個免費遊戲攤位，而今屆共有逾300個攤位，有大量低於一折嘅產品發售。

入場者可以即場或透過工展會應用程式參與抽獎，如果用電子貨幣消費滿300元或以上，就有額外抽獎機會，禮品包括雙人來回香港至歐美加機票等，總值70萬元。

大會安排4條免費接駁巴士路線來往荃灣、屯門、天水圍同港珠澳大橋香港口岸至博覽館；入場者亦可免費搭東涌特快巴士X1直達博覽館；而機場快線香港站、九龍站或博覽館站內嘅指定櫃台，用八達通可以60元換購即日來回博覽館站嘅車票，特惠車票售價則為47元。