【Emily】移英港童IQ 162 勝愛因斯坦 夢想讀劍橋 做世上最好醫生

【明報專訊】據英國傳媒「MyLondon」報道，移民英國嘅11歲香港男童Adrian Li，喺國際高智商組織「門薩」（Mensa）嘅智商（IQ）測試入面，拎到162分，高分過物理學家愛因斯坦同霍金拎到嘅160分，全球排名前1%，並獲得「門薩」嘅會員資格。

幼時睇《星戰》小說 8歲寫小說

Adrian上年隨屋企人移民到英國巴奈特（Barnet），9月將入讀當地公立中學Queen Elizabeth’s School。Adrian接受英國傳媒訪問時話，最初目標只係拎到加入「門薩」嘅門檻148分，無諗過拎到高過愛因斯坦嘅分數，對結果感到驚喜。佢又透露夢想係升讀劍橋大學，成為心臟病學家同世界上最好嘅醫生。

母：運動出色 喜壁球劍擊滑雪等

Adrian嘅媽媽Rachel就話，囝囝自細天賦異稟，好鍾意睇書，幼稚園時已經睇得明《星球大戰》小說全文，到8歲開始寫小說，?家寫緊一本有關古羅馬嘅小說，希望喺今年秋天發行。Rachel又話，Adrian嘅運動表現亦好出色，嗜好包括壁球、劍擊、滑雪、划艇等。