【Emily】巨大化動物插畫書 盼以港主題連結大家

【明報專訊】「90後」插畫師Maf Cheung最近推出插畫書《香港巨大化動物 vol.1》，收錄咗佢69張超現實嘅動物繪圖，將唔同動物「巨大化」，穿梭唔同香港地點，例如銅鑼灣怡和街圓形天橋「阻擋」電車前行嘅貓咪。Maf噚日喺書展搞簽書會，佢話用咗一年半時間製作，認為用香港做主題可連結到大家，展示本土情懷。

Maf話AI對佢影響唔大

?家生成式AI盛行，唔少人用嚟製圖或寫文，Maf話睇過AI嘅製圖後都覺得「真係好勁」，只要輸入到準確指令就會好靚，但仲係有唔少缺陷，如果用嚟向客戶展示初步念頭係唔錯嘅工具，但成為最終方案就仲未可以。佢又話對佢嘅影響唔大，因為其插畫style唔係主流，而AI要靠不同原圖去「餵食」AI，「冇呢個database係唔會成事」，如果冇設計師去製作，成個行業都冇着數。佢又認為最重要係要有主題嘅idea，而唔係無意義嘅一張圖。