【Emily】專業優質服務 旅業許5承諾

【明報專訊】每年暑假都有唔少遊客訪港，旅遊發展局噚日舉行「專業優質旅遊服務承諾」啟動儀式，召集近百個來自旅遊相關行業嘅代表同前線從業員許下承諾，為旅客提供最佳體驗，仲會加推100萬份「香港有禮」旅客消費優惠券。

旅發局主席彭耀佳話，專業優質服務一向係旅遊業成功要訣之一，旅發局呢半年嚟訪問咗1萬個訪港旅客，發現滿意程度比疫情前高，而疫後旅客對服務質素要求高咗，更要精益求精，所以承諾為佢哋提供最好體驗。承諾有五大重點，包括專業知識、誠信可靠、優良品質、卓越效率、聆聽溝通。

加推100萬份旅客消費券

旅發局之前派發100萬份「香港有禮」旅客消費優惠券好受歡迎，所以?家加推100萬份，適用商舖仲增至超過3600間，旅客可免費換取最新獎賞，或喺唔同景點、零售同餐飲商戶直接享用即減100港元嘅優惠。