【Emily】習近平工作經歷繁體新書首發

【明報專訊】近年書展都有展商售賣國家主席習近平嘅書，不過多係簡體版。聯合出版集團今年出版咗5部習近平嘅地方工作經歷圖書，係繁體版，當中包括《習近平新時代中國特色社會主義思想學習綱要（2023年版）》，係講述習近平新時代中國特色社會主義思想嘅基本精神、內容、要求，充分反映咗呢種思想嘅最新發展，另外幾本都係關於習嘅地方工作經歷。

政務司長陳國基、中聯辦主任鄭雁雄噚日出席書籍首發儀式，鄭雁雄致辭時形容，呢5部圖書於香港首發係香港社會政治生活中嘅一件大事，幫助港人加深對世情、國情嘅認識，幫助海外讀者加深對中國之理、之路、之治嘅理解。佢仲話，要讀好、用好呢5部書，要從中感悟思想偉力，汲取真理力量，積極對外宣介中國智慧、理念、方案、主張等。