【Emily】蔡若蓮：科教興國由細做起 師資「鬆一鬆」助納才

【明報專訊】教育局長蔡若蓮日前接受廠商會會長史立德嘅訪問，大談未來要喺教育做到「科教興國」，包括提升學生嘅科學能力，加強課程嘅創科元素，大力投放資源培訓老師，提供多元出路畀後生仔，同埋建立國民教育、國家觀念，以至國民身分認同嘅價值觀。

蔡若蓮強調教育要由細做起，會改進課程教學同學習時間，小學方面加強咗常識科嘅科學元素，中學就加入人工智能、編程教育，大學就希望有六成學生修讀同國家「十四五」規劃提到嘅「八大中心」相關學科，三成半要同STEAM（科學、科技、工程、藝術和數學）有關。

稱內地AI分析學習回饋學生

師資方面，佢話都會鬆一鬆，畀多啲創科相關背景嘅人才進入教育界。至於教師去內地交流，佢話希望教師認識最新嘅國家發展，又讚內地發展高速，識用人工智能（AI）分析學生嘅學習數據等，可以好快回饋畀學生。