【Emily】消防學院8．6開放日 聽日截止報名

【明報專訊】暑假到，政府部門推出唔同活動鼓勵市民參加。消防處8月6日喺將軍澳消防及救護學院舉行開放日，參觀時間係上晝8點45分至下晝4點；運輸署亦會推出「離島遊計劃」，成功申請嘅團體前往離島舉辦活動可免付往返離島船費。

消防處當日節目包括有消防及救護車輛巡遊、攤位遊戲同消防工作犬示範等。消防及救護教育中心暨博物館亦會開放畀市民參觀。

免船費離島遊復推 團體活動可申

有興趣者噚日起至聽日（19日）可透過消防處最新版本流動應用程式申請二維碼入場券，每人最多申請4張。電腦抽籤結果喺7月24日或之前經應用程式通知中籤者。

運輸署2012年起推出離島遊計劃，以推動離島地區經濟，減低團體舉辦活動嘅交通開支，並帶動離島渡輪服務客量，但因抗疫實施社交距離措施，2020年起暫停計劃。合資格團體如學校、制服團隊同地區團體等即日申請時，需要留意每項活動嘅參與人數將會按各航線唔同嘅營運情况而設上限。