【Emily】李家超訪貴州食腸旺麵 話寓「9+2」暢旺

【明報專訊】特首李家超率團訪問貴州省貴陽市，一大早先同貴州省委常委兼省委宣傳部長盧雍政、貴州省港澳辦主任陶平生去當地老字號，食貴州風味早餐「腸旺麵」。李家超話，「腸旺」係「常旺」嘅諧音，寓意吉祥，仲話正好比喻泛珠九省區同港澳特區多方面合作交流帶來嘅「暢旺」、「常旺」、「長旺」。

食完早餐，李家超噚日先後同貴陽與貴州省委書記、江西省長會面，團隊又去咗參觀國家大數據（貴州）綜合試驗區展示中心，了解當地嘅大數據產業發展同規劃，又同區內兩間企業嘅管理層交流，了解佢哋點透過大數據提升企業管理同生產，對方仲有來港發展嘅計劃?。

但李家超就無透露參觀咗邊兩間公司，但佢相信，香港可以同貴州喺信息通訊、互聯網金融、智慧城市等方面有更多交流合作。