【Emily】林琳產後復工 請食薑醋

【明報專訊】民建聯立法會議員林琳上個月添丁，應該坐緊月，今日先啱啱夠30日，佢噚日就返咗立法會復工，仲送上豬腳薑醋。林琳話預產期係7月中，點知囝囝「波波」早咗出世，最初佢都擔心波波身體狀况，好彩只係黃疸比較多，留院曬燈就冇事。至於佢本人又點呢，佢透露子宮有兩個瘤，生嗰時嘅身體狀况就唔算理想，所以?家要食鐵丸補血。佢仲話，懷孕期間只係重咗3至4公斤，身材現已回復番，嚟緊佢打算餵半年人奶，亦會試用立法會嘅媽媽設施。