【Emily】 李家超率團訪貴陽 陳茂波去上海

【明報專訊】政府官員繼續積極「內訪」，特首李家超同財政司長陳茂波今日分別會去貴州省貴陽市同上海出席活動兼參觀。李家超將會出席2023年泛珠三角區域合作行政首長聯席會議，亦會同唔同省區嘅領導會面，又會到訪貴陽市嘅創新科技設施，周五（7日）返港。佢噚日喺行政會議前見記者時話，今次聯席會議嘅主題係「奮進新征程，合作開新局」，目的係共同深化泛珠三角區域合作。

李去泛珠三角合作會議

今次一齊去貴陽嘅政府官員仲包括商經局長丘應樺、運輸及物流局長林世雄、創科及工業局長孫東等。

至於陳茂波去上海嘅行程都好緊湊，包括出席2023世界人工智能大會發表主旨演說、出席「亞洲物流航運及空運會議──滬港合作新機遇分論壇」致辭、到復旦大學向師生介紹香港、去投資推廣署等合辦嘅午餐會向上海工商界同企業推廣香港嘅金融同高增值服務。佢喺上海仲會到訪多間科技同醫藥企業，見吓當地嘅港人同企業，周六（8日）返港。