【Emily】電腦學會：九成公司料增ICT員工薪金

【明報專訊】香港電腦學會噚日公布有關資訊及通訊科技（ICT）行業嘅薪酬趨勢調查，發現有九成受訪公司預計會加ICT從業員嘅人工，當中77.8%公司嘅平均增幅高於4%。香港電腦學會會長鄭松岩形容，ICT行業前景秀麗，今年有九成機構預期會加人工，認為IT行業嘅薪酬有實質增長。

睇番2022年情况，調查話有86.7%嘅ICT從業員獲加薪，冇變動嘅就有13.3%；薪金平均增幅方面，超過70%公司嘅加薪幅度有4%或以上，增幅有4%至6%嘅佔34.6%，加薪幅度達10%以上嘅就有19.2%；上年人手變動方面，就未見有大規模裁員情况，有56.7%企業增加咗ICT員工或職位，增聘人手嘅公司中，有58.8%係增加咗超過10%嘅ICT人手。

鄭松岩分析，?家經濟環境唔明朗，每間公司對ICT人才需求仍然保持旺盛，而且上年ICT行業整體薪酬水平都有增加，估計今年加薪情况會維持，行業仍有一定發展空間。