Connect with us

港聞

【Emily】甯漢豪:高球場建屋初心絕對無變

發佈於

【明報專訊】城規會今日就政府建議將粉嶺高球場部分建屋土地劃作「未決定用途」地帶召開第三場公聽會。對於首兩場公聽會出現一面倒反對建屋聲音,發展局長甯漢豪噚日接受無綫新聞節目《講清講楚》訪問時話唔覺得意外,佢又話通常反對嘅人先會去,所以反對聲音佔多數;強調建屋初心絕對無變,政府本身希望做嘅嘢係唔應該因為反對意見而動搖。

至於政府喺公聽會前夕,將高球場擬議發展土地由住宅改為「未決定用途」,甯漢豪話,政府最初提出改劃嘅住宅甲類地帶係高密度房屋,但早前環諮會審批呢個項目嘅環評報告,要求重新檢視發展密度,所以政府暫時建議改劃為「未決定用途」,畀政府以約一年時間檢視該項目,包括計算樓宇點樣擺位,以及樓宇對於日照及景觀等評估,不過佢話暫時唔會評論檢討後會減少幾多單位,強調落成時間仍會在10年建屋計劃之內。