【Emily】首個獲認證非牟利機構 華永會攞「Q嘜」

【明報專訊】相信好多人對「華永會（華人永遠墳場管理委員會）」呢個名唔陌生，服務過唔少先人，華永會最近得到香港優質標誌局頒發「香港Q嘜優質服務計劃」認證，嘉許同表揚其為市民大眾提供卓越嘅配售服務，亦係首個非牟利機構獲得「Q嘜」認證。

喺1913年創立嘅華永會係香港最具規模嘅私營墳場營運機構之一，以非牟利形式營運、管理同發展香港仔、荃灣、柴灣同將軍澳4個華人永遠墳場。

華永會內部事務委員會主席陳美蘭話，華永會百幾年來以非牟利形式服務社會，近年確立「永懷人生」及「善亮人生」嘅理念，將正向思維、生命道德教育、人性化概念同社會貢獻，融入喺設施服務同慈善工作。

佢又話，華永會成為全港首間非牟利機構獲「Q嘜」認證，肯定咗佢哋多年嚟為廣大市民提供卓越同專業嘅配售服務，以及不斷提升服務嘅質素、範疇、流程管理同效率嘅努力成果。香港優質標誌局旗下現有4個Q嘜計劃，其中「香港Q嘜優質服務計劃」係表揚透過成功策略，以優質服務滿足顧客所需嘅企業。