【Emily】梁君彥下月帶隊訪閩 狄志遠報名

【明報專訊】今屆立法會積極出訪，立會主席梁君彥下月中將率團到福建考察5日，與當地省市領導會面，觀察當地經濟、金融、航運等項目最新發展。據Emily了解，今次考察團未太踴躍，暫有約30名議員報名，包括新思維狄志遠，對於上次無參加大灣區團引非議，阿狄強調今次「唔係贖罪旅程」。

據內會文件，立法會將於大會休會後，下月15日至19日到福建福州同廈門考察，了解當地高質量產業最新發展，探討加強港閩兩地不同領域嘅聯繫、合作。相比4月由特首李家超率領嘅大灣區考察團有逾80名議員參與，今次暫有約30人參加，多名議員都同Emily講，因有公務在身未能參與。

訪團5日行程包括與當地省市領導同人代政協會面，亦會考察當地文化保育及旅遊產業，到訪福州三坊七巷及廈門鼓浪嶼等。訪團同時會探訪當地港商、香港大學生及退休長者等。