【Emily】民記調查：1/4婦女未擬生育 逾半經濟壓力

【明報專訊】香港出生率持續下跌，民建聯近排做關於本港女性生育意願嘅調查，訪問471個18歲以上女性，近四分之一話唔考慮或未知係咪生育，當中53.1%話主要原因係經濟壓力、31.9%話係管教責任，29.2%話係想享受自由生活；有超過85%嘅受訪者認為政府?家鼓勵生育嘅措施不足。

據調查，近四分之一受訪者唔考慮或未知係咪生育，26至35歲組別達42%；另外，當中有超過三分之一受訪者嘅教育程度係大專／大學或以上，近四分之一嘅家庭總收入至少4萬蚊，反映高學歷高收入而唔考慮生育嘅現象愈趨普遍。

民建聯提出多項建議，包括成立「新生代嬰兒基金」，為每名新生兒童設戶口，以家庭儲蓄同政府配對資助方式協助兒童累積資本，待兒童年滿18歲後提取；設立「新生嬰兒津貼」，發放一筆過育兒津貼；增設兒童醫療券；增加幼兒託管服務；增加資助輔助生育醫療；研究為婦女提供卵子銀行服務等。