【Emily】六四報道巨幅表揚信 掛牆港台34年被除下

【明報專訊】臨近六四事件周年紀念，稍有風吹草動都顯得特別敏感。Emily聽聞，香港電台新聞部辦公室有一張貼咗近34年嘅巨幅表揚信，表揚1989年6月採訪六四事件嘅同事，噚日傳出港台中文新聞部總監黃金鳳喺六四前夕要求撕下表揚信。Emily問過港台中人，話封信真係無咗，至於係咪新聞部總監嘅意思就無從得知。

港台：不時按例維持合適辦公場所

港台回覆Emily話，當局不時根據《政府產業管理及有關事務規例》進行各項工作，以維持一個合適嘅辦公場所，港台不會評論個別揣測性嘅報道。

據Emily了解，表揚信係1989年6月6日由中英文台嘅同事發出，向喺北京採訪嘅同事致敬，「堅守報道北京事件最前線，為專業廣播樹立模範，緊守崗位，付出大無畏精神，至真至誠報道，我們謹以真誠向你們致敬！」