【Emily】關注晨泳安全 拯溺工會派漂浮泡

【明報專訊】因應近年發生多宗晨運泳客喺未有救生員當值嘅時段及地點溺斃，港九拯溺員工會話周四（25日）會喺屯門黃金泳灘免費派發游泳漂浮泡（圖），數量有限，每人限拎一個，派完即止。

工會噚日喺facebook出post話，一向以推動水上安全為宗旨，經過多年構思同籌備，終於得到「有艇搭慈善基金會」贊助，特別製造游泳漂浮泡，將會喺後日朝早7點半至8點半，喺屯門黃金泳灘入口嘅公眾停車場入口對面免費派發，希望能夠藉住今次派發游泳漂浮泡，宣傳同加強市民水上安全意識。