【Emily】學生運動員獎嘉許962人 歷年最多

【明報專訊】以全港中、小學及特殊學校學生為嘉許對象嘅運動獎項「屈臣氏集團香港學生運動員獎」連續第18年舉行，今年有962名同學獲嘉許，人數係歷年最多，男女同學分別有523同439名，年紀最細嘅只有8歲，各人會獲獎學金同獎狀。至於得獎學生嘅運動項目分佈，球類同田徑各佔逾三成，水上運動佔逾一成。

文化體育及旅遊局長楊潤雄噚日喺頒獎禮致辭，話政府積極推動本港體育發展，今年預算開支大約74億元，當中超過八成用於推廣社區體育。佢話近年國際奧委會推廣多項青少年熱愛嘅項目，政府將與體育界、學校及其他界別合作，引入城市運動項目，包括三人籃球、滑板及霹靂舞等，又會向有興趣參與推廣計劃嘅學校同機構提供資助舉辦訓練班同活動。

獎項以「每校一獎」形式嘉許傑出學生運動員，至今已嘉許逾1.45萬名學生。