【Emily】金融科技周增「大灣區一日行程」

【明報專訊】香港金融科技周舊年同新加坡金融科技節撞期，今年終於「復常」，兩地雖然都係11月舉辦活動，至少中間隔開10日，令有興趣嘅業界人士可以兩個都去晒，唔使「二揀一」或趕飛機。

講番今年香港嘅金融科技周，主要峰會一連兩日喺11月2至3號於會展舉行，今年並會新增「大灣區一日行程」，但官網暫時未透露去邊個內地城市。新冠防疫限制全面取消下，今年金融科技周仲會有晚間峰會同文化活動。

票價方面，金融科技周舊年疫下票價稍微下調，由2021年現場加網上479美元減至349美元，今年票價暫時升番至550美元（近4300港元），如果提早預訂就半價，即275美元（約2160港元）。今年仲有學生飛，早買收半價，盛惠50美元（近390港元）。