【Emily】會計界首屆運動會 千名同業參與

【明報專訊】噚日中午起風雲變色，幸上晝仍有唔少活動順利舉行。會計界噚日朝就喺小西灣運動場搞咗首屆運動會，話有超過1000名來自唔同協會、公司、監管機構及政府嘅會計同業參與。民建聯會計界立法會議員黃俊碩（Edmund）話噚日真係好彩，開始時算天氣好，活動後先有黃雨。

活動後才黃雨 黃俊碩話好彩

Edmund話，會計界幾年前搞過單項賽跑活動，今次規模再大啲，喺運動場辦運動會。活動由香港會計師公會及香港華人會計師公會舉辦，有超過30家機構支持。政府代表都有參與，財經事務及庫務局長許正宇、審計署長林智遠到場打氣。

Edmund話，同一場地上周六先舉行官員對立法會議員嘅足球友誼賽，佢話噚日場內參賽者雖然代表唔同機構或事務所，但大家都係會計界，要為香港整體利益一齊努力。