湯文亮：匯控三大利好 賺錢派息回購

【明報專訊】今日匯控（0005）表決包括分拆的議案，昨日有不少人問我投票分拆抑或唔拆，我話未決定，甚至投唔投都未決定；不過，我暫時傾向保持現狀，但亦接受分拆。有老友話我走精面，答完等於冇答，我話想唔走精面都唔得，如果畀一個肯定答案，尤其是匯控，我擔心事情成真之後，但效果不佳，匯控股價大冧，有人找我晦氣。所以，我非常佩服那名推動分拆表決的小股東，因為分拆之後，匯控股價升跌難料，升當然是好，但如果大跌，我相信他會很麻煩。