經濟
內地客濠江賭錢兼講手
【明報專訊】經過3年疫情洗禮，內地賭客重臨澳門。疫後迎來首個五一黃金周檔期，各大賭場打開大門冀迎來「財神」同「運財童子」沾沾旺氣。不過，非人人賭神上身，貴客有時仲賭埋氣。
五一假期正日凌晨，先有8名山東男女喺銀河娛樂（0027）旗下澳門銀河上演全武行，大掟雜物同座椅，片段流傳海內外。睇清楚啲，至知原來唔係賭場搵人拍戲為大家加送娛樂猛料。後來當局前後拉咗13人，全部告普通傷人罪，參與打鬥嘅無得入境4至5年，無參與打鬥嘅就一年內無得入境，所有涉案人無得入賭場玩兩年。
正當個個以為呢單只係個別例子時，噚日澳門坊間再傳威尼斯人爆多一單打交，事件無武器無傷者要送院云云。其實小注可怡情，大賭可亂性，賭得太認真，搞到無得再去賭場博殺娛樂娛樂，又何必呢？
email: [email protected]
