經濟
點出NFT漏洞 《明報》報道獲獎
【明報專訊】潮流興玩虛擬資產，NFT（非同質化代幣）嘅冒起，除咗引起一浸跟風同炒賣熱潮，其實亦有不少灰色同漏洞，值得關注。今年初時任本報財經版記者蔡穎霖，就撰寫題為「NFT版權無王管 實測上載《明報》毋須證明」一文，正好真人示範NFT嘅審查制度喺海量嘅資訊湧至下如何鬆手粗疏，灰色地帶處處，反映出版權或遭侵犯其實易過借火。蔡呢篇文章更獲恒生大學頒發「最佳商業科技新聞報道獎」銀獎，文章深入淺出，好簡單咁點出當中問題所在，引起大眾關注。咁又證明咗，財經新聞既對投資人決策有重大影響，其實亦可以好民生貼地。尤其年輕新世代對虛擬資產呢片藍海嘅好奇，參與者如果能夠細讀呢篇精彩作品，自然可以避免觸雷，玩得更有智慧！
email: [email protected]
