【Emily】民研：政府民生經濟 滿意度負變正

【明報專訊】香港民研公布最新嘅特首及政府民望，特首李家超評分54.3分，同上個月評分無太大差別，受訪者對特區政府嘅滿意程度則由上個月42%，增加5個百分點至47%。按不同範疇分類，受訪者最滿意特區府處理同中央政府關係，最唔滿意係特區政府推行民主步伐嘅工作，後者喺5個範疇工作中唯一錄得跌幅，今年結果比上年10月調查時更不滿。

民研今個月4日至12日電話訪問1005人，對特區政府嘅最新滿意率係47%，不滿率係35%，滿意率淨值係12個百分點；同上個月調查比較，滿意淨值增加咗9個百分點。

受訪者對政府「處理與中央政府關係」、「改善民生」、「維持經濟繁榮」同「維護人權自由」嘅滿意程度都係正值，其中改善民生同維持經濟繁榮嘅範疇，上年10月錄得負值，事隔半年，可見市民對政府呢兩方面工作已改觀。