【Emily】海關進軍抖音 何珮珊粉墨登場迎客 推精明消費者錦囊 籲網民「點個讚」

【明報專訊】新一屆政府有唔少部門及主要官員都開設社交平台同市民溝通，其中海關噚日成為首個進軍「抖音」嘅紀律部隊，正式啟用官方帳號。第一段影片由海關關長何珮珊登場，全長17秒，佢用普通話歡迎內地旅客於五一黃金周消費，並推出「精明消費者錦囊」，同時呼籲網民「點個讚」，至噚晚9點截稿為止，已有逾10萬人「點讚」。

關長已經唔係首次喺海關嘅社交平台亮相，之前喺海關facebook專頁及Instagram帳戶，已見到關長拍片宣傳。

海關話，開設抖音帳號嘅目的，係希望將部門多元化嘅工作和最新資訊，用快捷、直接嘅方式，喺更多網上平台同香港、內地市民分享，加強同公眾嘅溝通和聯繫，同時令有意訪港嘅內地旅客可掌握有用嘅海關資訊。