【Emily】接連外訪 11司局長昨一度不在港

【明報專訊】政府同立法會大灣區訪問團噚日結束，今次共有6個高官參與，Emily睇過政府新聞公報同官員facebook，原來噚日一度有11名司局長出訪考察不在港。同樣去咗大灣區嘅有勞福局長孫玉菡、發展局長甯漢豪；保安局長鄧炳強、公務員事務局長楊何蓓茵去咗北京；教育局長蔡若蓮就去重慶。喺傍晚左右，去大灣區訪問團嘅官員同甯漢豪就返咗香港喇。

唔少官員外訪嘅同時，房屋局長何永賢（前右）就留喺香港，上周同新加坡建屋發展局長陳明銳（前左）交流，仲帶對方去元朗嘅博愛江夏圍村過渡房屋項目、啟德社區隔離設施入面嘅簡約公屋等參觀。何永賢話新加坡官員對「組裝合成」都好有興趣；新加坡對港府以過渡房屋解決房屋問題感到好有意義。