Connect with us

港聞

【Emily】閱讀日 楊何蓓茵推介前副局散文集

發佈於

【明報專訊】噚日(4月23日)係一年一度嘅世界閱讀日,唔少名人都有好書推介,公務員事務局長楊何蓓茵就推介一本新出版散文集《叫生活悄悄歸來》。佢話呢本書嘅感染力在於「文字溫度」,內容涵蓋童年往事、生活情懷、旅遊點滴、歷史典故等,作者細膩感性嘅筆風「看透人情世故」。呢部散文集嘅作者,就係佢前同事、政制及內地事務局前副局長陳帥夫(Andy)。陳帥夫喺2021年2月以健康理由辭職,離開「熱廚房」,現投身私人機構。

楊何蓓茵話對書中3篇散文嘅內容感受甚深,其中一篇與書名《叫生活悄悄歸來》同名,話Andy講到踏單車時,眼見夕陽餘暉映照大地,選擇停下來坐高看遠。楊何蓓茵話,港人生活步伐急速,努力工作,為口奔馳之餘,亦要懂得忙裏偷閒,放鬆心情,欣賞生命中嘅小確幸,「叉足電」再全情投入,為未來打拚。