【Emily】卓永興練波拉斷跟腱 失陪夏寶龍考察

【明報專訊】港澳辦主任夏寶龍前日結束6天訪港考察行程，副政務司長卓永興只出席咗首日夏與官員嘅會面，之後多個活動未有現身。佢噚日喺facebook解釋，作為政府足球隊隊長，上周六（15日）練習時拉斷右腳跟腱，要接受手術，因此缺席部分夏寶龍嘅考察活動。醫務衛生局長盧寵茂噚日被問到係咪因為確診新冠病毒而無見夏寶龍，佢未有交代，只表示「曾經有少少唔舒服」。

政府足球隊將於下月與立法會足球隊舉行友誼賽，卓永興話上周六練習時拉斷右腳跟腱，手術後右腳打咗石膏，之後會改穿硬靴數星期，其間要使用輪椅同助行架出入。佢話今日就會復工，但由於行動不便，未來幾星期都唔能夠出席公開活動。Emily計番日子，相信卓永興於友誼賽都未必能親身上陣。

是否中新冠？ 盧寵茂：曾少少唔舒服

至於盧寵茂連日來都未與夏寶龍見面，消息指佢因為確診新冠病毒而請假。盧局長噚日無證實消息，只係話多謝大家關心，「確實曾經有少少唔舒服，不過?家已經康復咗，無問題喇」。