【Emily】吳靄儀開Patreon

【明報專訊】近年唔少政界人物都開設Patreon，立法會法律界前議員吳靄儀（Margaret）最近亦加入行列，開設Patreon分享生活、書籍、煮食點滴，亦會上載昔日文章。佢話雖然今年屆75歲，「然而我只感到更要把握光陰，試圖了解許許多多新舊事物，紀錄歷程」。

Margaret一直好少用社交平台，即使facebook亦係5年前因為推廣新書先開設，所以佢形容今次係新嘗試，每星期都會分享文章，暫時以中文為主。佢撰寫嘅「歡迎辭」提到，「亂世中，我們仍有文學、友愛，仍能分享尋常生活的情趣和啟發，吹散黑暗，打破孤立與絕望」。佢話年輕時酷愛文學、模擬創作，如今欣然回到思想同文學嘅領域，又形容「時代的傷痛就是文學的土壤」。Margaret嘅Patreon每月收費75元，佢話因為要紀念今年75歲。