家庭樂、助求婚、打羽毛球　港人襯長假紛外遊 (13:56)

疫情後首個復活節長假期即將開始，機場登機大堂今早8時半起已大排長龍，企滿外遊及回程的乘客，有出發到南韓首爾的市民稱等候近40分鐘才完成登機手續。泰國、日本、台灣向來是港人外遊熱點，除了外遊玩樂，亦有市民出發日本為相識多年的好友求婚，炮製驚喜，在櫻花盛開的季節下添上暖意祝福。

市民何先生一家三口到泰國曼谷旅遊，是疫情後首次外遊。他表示，到泰國旅遊較為方便及便宜，5個月前已計劃行程，機票需約3000元，預料人均消費8000至9000元。被問聖誕節為何未有外遊，他表示需要「睇定啲先」，因擔心機票突然被取消，亦有憂慮感染風險，「驚有檢疫、滯留，要stay喺酒店」。

溫女士一家四口亦到曼谷旅遊6天，「好開心，不過太多人，（冇諗過咁多人？）冇諗過咁慢」，她說，去年聖誕節已到土耳其旅遊，「（擔心）染疫？其實國家都open咗好耐啦，要中嘅都中晒」。她表示，機票早於兩個月前訂，每人約9000元，原本想買商務機位，「好早已經訂唔到」，到當地後會按摩、購物及游泳，料整個行程花5萬至6萬元。

吳女士及周女士則到日本福岡幫朋友求婚，男女方都是她們的中學好友，「好緊張，好驚穿煲，我已經block晒佢所有嘢」，女方事前亦不知她們會到場，「其中一日我哋會預先去到小倉，等個女仔玩完，我哋就會衝出嚟，跟著個男仔再求婚」。

任職教師的吳小姐說，會外遊4天，屬疫後首度旅遊，機票花費高達9000多元，預計另外花多5000元消費，並計劃7月再度外遊。另一名市民羅女士則出發到台北一個星期，一行十多人在登機大機有說有笑，「我哋係波友嚟，去打波」。她說大家相識已數十年，由於當地近日舉辦羽毛球比賽，故一同參賽兼外遊。她指未有預算使費，「唔知喎，睇下買唔買到自己想買嘅嘢」。