【Emily】最大儲氣船抵港 下周到兩電海上天然氣站

【明報專訊】中電同港燈正合作發展海上液化天然氣接收站，而一艘浮式儲存再氣化裝置船噚日抵達香港，下星期會駛去索罟群島以東嘅海上液化天然氣接收站，配合最後嘅整體調整同測試。

呢艘船名為Bauhinia Spirit（圖），用嚟接收同儲存液化天然氣，並進行「再氣化」過程，佢係全球目前最大嘅浮式儲存再氣化裝置船，液化天然氣儲存量達26.3萬立方米。

中電同港燈表示，接收站啟用後會令天然氣供應更穩定，亦可由海外直接購買價格具競爭力嘅天然氣。