【明報專訊】噚日係九巴成立90周年，主席梁乃鵬向員工發信宣布全體員工獲發「特別禮賞」，每人900元。佢喺信入面提到，90周年係個值得慶祝嘅里程碑，亦係九巴同香港一齊成長嘅見證，為咗感謝同事嘅付出同努力，派發特別禮賞作為對同事嘅小小心意，亦係一份肯定同鼓勵。有員工同Emily講，有多900蚊用都係開心嘅。
九巴噚日亦轉咗facebook嘅頭像，「九巴仔」著晒西裝、梳靚個頭，仲戴埋生日帽為九巴「慶生」，九巴又叫網民「盡情用祝福語轟炸我」。
有網民留言話九巴生日，點解唔順勢推出免費乘車優惠，一齊開心吖嘛！
