【Emily】消費券周日派 超市電訊商爭推優惠

【明報專訊】今年度第一期消費券將喺周日（16日）發放，各大商戶噚日已經提早推出優惠搶攻市場。有零售業工會認為，由於經濟未完全復蘇，覺得市民會傾向用消費券買日常用品，唔多會買奢侈品。

零售工會料唔多買奢侈品

多間超級市場包括惠康及百佳由噚日開始，推出消費券限時優惠吸客，買多送多，例如購買現金禮券達一定金額，就會送禮券及現金優惠券。除咗超市，電訊商如數碼通都因應消費券而推出唔同優惠，例如買機有折扣。

零售、商業及成衣業總工會總幹事張麗霞話，政府舊年都有派消費券，估計市民都有經驗點善用。佢認為市民未必會用嚟買奢侈品，因為經濟未完全復蘇，大家都手頭緊，估計市民會用嚟買日常用品，預計超市等店舖銷量會比較理想。

相關字詞﹕消費券