【Emily】500港青搭高鐵 體驗灣區創科

【明報專訊】由香港青年協會及龍傳基金舉辦嘅「高鐵青年號——創科體驗行」兩日一夜考察團噚日出發，參加者包括500個本港高中生、大專生、在職青年，佢哋會先後搭高鐵到訪廣州、佛山，了解創科發展同體驗嶺南文化。讀中三嘅曾同學話對佛山嘅氫能發電科技感興趣，希望見識吓大灣區科技發展，「擴闊視野，發現新大陸」。另有學生想了解內地經濟發展，包括電子支付嘅普及情况。

民青局長麥美娟噚日送行，佢話當局將建立「青年網絡」，邀請參加過交流團嘅年輕人加入，畀局方同佢哋保持長期聯絡溝通，「因為希望唔係一次半次交流團、一日兩日，甚至3日或7日，而係希望我哋嘅青年朋友參與交流團後，繼續參與民青局舉辦嘅活動或項目」。佢又話當局會陸續資助一啲非政府組織搞交流實習團，去內地唔同城市。

相關字詞﹕青協 麥美娟 內地考察