【Emily】尖沙嘴海旁華服節T台秀

【明報專訊】第12屆國際華服節暨第14屆夫子廟會前日同噚日（8、9日）喺尖沙嘴文化中心露天廣場舉行，多個團體提供表演，例如粵曲、古代舞等，當中更有「華服T台秀」，表演者穿著華服配合中樂戲曲，伴隨音樂旋律展現不同動作。

披上明朝華服嘅港區全國人大代表林至穎話，香港作為「國家中外文化交流中心」，舉辦國際華服節可以畀香港嘅設計、服裝產業人才親身體會同參與貢獻國家。穿著旗袍嘅立法會選委界別議員郭玲麗話，穿著美麗嘅華服可以表現出文化自信，正係說好中國故事嘅載體。