【明報專訊】內地同香港通關，唔少人都恢復北上消費活動。新民黨立法會議員容海恩噚日喺深圳玩期間，喺市中心「野生捕獲」北上消費嘅副財政司長黃偉綸一家。
容海恩同Emily講，佢同老公袁彌昌上周六去咗內地見朋友，逗留咗一晚，噚日去深圳書城行吓，點知出門就見到有個人熟口熟面，原來係黃偉綸同任職勞工處長嘅黃太陳穎韶，黃一家大細北上消費。容海恩話，副司長住喺新界，去深圳應該好方便，又話中國咁大，大家竟然有「灣區緣分」。容海恩話大家遇到都即刻交換食玩情報，講吓邊度有出名嘅潮州美食等。
相關字詞﹕黃偉綸 容海恩
