【Emily】仙氣女車長「暫別」前線 專心做媽媽

【明報專訊】久未更新自己facebook專頁嘅城巴「仙氣女車長」劉家穎，喺上星期六晚終於有新嘅留言，並宣布自己退下巴士車長職務。佢提到婚後生咗BB，既要忙於照顧小孩，又要輪更工作，實在分身乏術，亦因為咁無時間打理專頁。大批網民和巴士迷紛紛留言祝福佢幸福美滿同為佢加油，又不忘懷緬曾經有幸坐過佢揸嘅巴士。

家穎不捨伙伴熟客 網民留言祝福

家穎喺其fb專頁《家穎的巴士生涯》度分享佢喺城巴工作嘅心路歷程，話由當初一竅不通，抱住初生之犢不畏虎嘅態度，躋身巴士行業，形容呢6年巴士生涯獲益良多，感受過種種甜酸苦辣、人情冷暖，同經歷咗唔少古靈精怪稀奇嘅事。

家穎無提到未來動向，佢話「臨別在即，萬般不捨平日一起努力工作的伙伴、熟客濃厚的人情味、種種經歷過的蝦碌事情」，同時佢留下註腳話會再回來，「I’ll be back！See you soon…」。有粉絲就問：「你意思係轉文職？」「新巴城巴NWFB and Citybus」於星期日凌晨喺家穎嘅帖文下回應，祝佢家庭幸福，生活美滿！

相關字詞﹕城巴 劉家穎