Emily Online︳FB專頁稱邀林鄭月娥任論壇嘉賓　前任特首辦指屬假消息已交警方跟進 (18:03)

網上詐騙訊息橫行，Emily留意到，有報稱港股情報嘅社交網站平台以前任特首林鄭月娥相片招徠，下個月搞所謂「高端教育論壇」。前任特首辦回覆查詢時話，有關活動係虛假消息，前任特首辦上個禮拜已經轉交警方跟進。查詢之後，相關專頁同網上訊息都再登入唔到。

根據原先「論壇」海報，其他嘉賓仲包括報章創辦人石鏡泉、測量師大邵志堯等。邵志堯喺Facebook就話，人名係真、協會名係真、地點都係真，但成個活動係假，唯有阿Q啲睇，高興「被安排」到同前特首一齊。