【Emily】港大111周年 師生校友千人同慶

【明報專訊】香港大學111周年大日子，噚晚喺酒店舉行慶祝典禮，校長師生、舊生、嘉賓濟濟一堂，Emily自從新冠疫情以嚟已經好耐無見咁盛大嘅場面，據悉有成千人參加。宴會請咗港大猛人袁國勇教授作主題演講，講述咁多年來多次疫情嘅歷史，港大點樣做研究同香港市民共同抗疫，佢仲不忘母校，話做研究時將好多病毒命名為HKU， 如HKU14、HKU26等，仲畀咗大家一個忠告：疫情無時無刻隨時再臨，一定要做好準備！