【Emily】兩會閉環 傳媒冇得扑咪 陳勇帶架生赴京 燈燈登櫈開記招

【明報專訊】北京舉行「兩會」期間，出席會議嘅港區人代、政協都要閉環管理，只可喺入住嘅酒店同指定會議地點出入，記者冇得埋身採訪。港區人大代表團副團長陳勇就準備充足，帶齊「架生」喺酒店開網上記者會、直播，畀香港同內地傳媒可以視像採訪。基本設備手提電腦唔少得，但酒店燈光通常都較黃及暗，為咗效果好啲，又可方便有需要嘅傳媒取用片段，陳勇準備咗至少4支燈，喺不同角度打向講者，睇落都幾專業㗎。