【Emily】灣區招聘會 月薪最少1.8萬搶畢業生

【明報專訊】勞工處今個星期四喺灣仔會議展覽中心，舉行開拓新機遇招聘會暨「大灣區青年就業計劃」招聘博覽，為求職者提供共逾3000個職位空缺。招聘會時間為上午11點至下午5點半，求職者可即場遞交職位申請，有機會即場面試。

勞工處話，開拓新機遇招聘會有35間機構參加，提供逾2600個職位空缺，當中飲食、零售及酒店業共有逾1200個職位，現場亦有其他行業嘅職位招聘，包括高級銷售經理、會計主任、註冊護士等，當中約81%為全職空缺；約84%嘅空缺學歷要求為中七或以下；約68%職位空缺無需相關工作經驗，大部分職位月薪介乎1.2萬至2.3萬元。

另外，同場舉行嘅「大灣區青年就業計劃」招聘博覽，將為求職者提供超過400個來自20幾間唔同行業嘅機構，於大灣區城市嘅職位空缺，包括行政主管、新聞編輯、工程師等，並以不低於月薪1.8萬港元聘請合資格嘅畢業生，2021年至今年獲頒學士或以上學位嘅香港居民可申請有關空缺。