【Emily】日領事親自推銷福井縣美食

【明報專訊】好多港人都鍾意食日本海產，而福井縣面向海，深受港人喜愛嘅越前蟹就產自福井縣。隨住本港邁向復常，食物相關嘅展會陸續舉辦，日本駐港總領事館噚日喺facebook話，日前喺灣仔一間日本餐廳就舉行咗福井縣產品展示商談會和招待會，推廣產自當地嘅鯖魚板壓壽司同螢光魷魚等海產。日本駐港總領事館大使暨總領事岡田健一上星期二（21日）有出席活動，幫手宣傳產品。