【Emily】聯署反對改組校董會 中大生促加開諮詢

【明報專訊】中大校董會改組引起各界關注。中大校董會成立嘅「檢討大學校董會規模及成員組織專責小組」今個星期搞兩場諮詢會，了解持份者意見，今日（24日）會搞最後一場，下晝6點半喺中大舉行，已截止報名。近日就有中大人喺網上發起「中大人就反對香港中文大學校董會改組方案之聯署」，話專責小組所搞嘅閉門諮詢會「代表性欠奉、效果成疑」，促請專責小組加開公開諮詢會，廣泛收集唔同持份者嘅意見，唔好敷衍廣大中大人。