【Emily】太陽能清涼休息站 為偏遠工友消暑

【明報專訊】本港舊年有52日發出「酷熱天氣警告」，係近10年新高，喺戶外工作嘅清潔工友同地盤工友最受影響，休息唔夠隨時中暑。職安局推出第一代「太陽能清涼休息站」，利用太陽能板為電器供電，畀喺偏遠地方工作嘅工友都可以「歎一歎」。職安局總幹事游雯話，局方準備邀請唔同政府部門同承建商參觀休息站，佢哋可以從中參考設計。佢話休息站造價約5萬蚊，可以重複使用。