【Emily】卓永興復賽 玩人浪話感存在感

【明報專訊】渣打香港馬拉松噚日舉行，有官員同立法會議員參賽，仲喺facebook分享打卡相和賽後感受。其中副政務司長卓永興「重出江湖」，以1小時24分55秒完成10公里賽事。原來佢十幾年前都跑過渣馬，不過之後因為小腿肌肉撕裂冇再參加，事隔多年再參賽，雖然比以往慢咗廿幾分鐘，但佢話最重要係同市民一齊享受活動，下年會練習多啲先比賽。出發前，卓永興同一班跑手玩人浪，佢形容感覺好正、好有存在感。